誰是足球場上跑得最快的球員？相信以10秒70左右完成盤球跑100米的「英超飛人」曼聯球星基斯坦奴朗拿度（C朗）認咗第2冇人敢認第1。不過，一班如假包換的香港田徑飛人：蔣偉雄、杜韋諾、陳以高、黎振浩及徐志豪合組5人足球隊，5人跑100米平均唔使11秒，實行挑戰C朗，「跑得快好世界」！
攝影/記者：李勇明
5位田徑好手應邀出席Nike香港五人足球賽，當中包括手瓜起𦟌的現役百米紀錄保持者蔣偉洪（阿B）、其4x100米接力拍檔杜韋諾（阿Lok）、新晉飛人黎振浩、徐志豪及3項鐵人代表陳以高一齊切磋球技。阿B說：「踢波，我哋成日都踢啦！」阿Lok：「係呀，田徑集訓時，教練成日都安排我哋踢波，所以個個都有番咁上下技術。」
陳以高踢大專盃
綽號「喇沙王子」的陳以高補充：「中學時已經踢校隊，今年喺城大都有參加大專盃，通常會踢右閘或防守中場。」而香港田徑青年隊代表徐志豪也不甘示弱：「唔好睇小我呀，我以前地區隊出身，話晒都踢過黃大仙㗎！」至於黎振浩最老實：「踢波就唔識，我現時嘅目標，就希望今年5月前，打破師兄阿B嘅香港百米紀錄。」
不知道他們所講的球技，是否限於在長度超過80米的11人場才能生效，還是各人未試過踢場小地窄的5人賽；主辦單位Nike派出5位平日坐慣office的職員隊落場迎戰，結果……1:0、2:0、3:0、3:1，完場……職員隊勝。
組「風之隊」參加5人賽
初次接觸正規5人足球賽，場地細小、龍門框亦縮窄、加上皮球沒有彈性，以上因素令「風之隊」發揮不到應有速度，出師不利。經驗是需要累積，5位跑手吸取今場落敗的教訓，深明踢波單靠速度是不行的；因此，未來日子他們在田徑隊踢波時，將會加強基本功訓練，說不定下屆5人賽，真的有支「風之隊」脫穎而出呢！
話你知
「NIKE香港五人足球賽2008」上周末假長沙灣遊樂場舉行了首站分組賽，4個組別（男子12歲、14歲以下、公開組及女子組）共20隊出線隊伍已順利產生。出線隊伍將於4月12及13日假旺角麥花臣球場再度出戰，爭取所屬組別的全港總冠軍殊榮。次站賽事地點將於3月1及2日移師至觀塘康寧道硬地小型足球場進行。
同場加映
5人賽講求技術，為鼓勵球員提升水平，同場加映花式控球挑戰賽，凡92年前出生者，可於4月12日在旺角麥花臣接受挑戰，參與者首階段要完成6個指定動作，而次階段則有30秒自選動作，評判將根據動作連貫性、創意、難度等各方面評分。
