Twins原定與關智斌（Kenny）昨日到西九龍中心出席「全城起哄08迎馬術」，但鍾欣桐（阿嬌）缺席沒有出現。阿嬌被群眾背棄後，每次出現都被人投訴，令到她承受不少壓力，一時之間難以面對，使其情緒上甚受波動，其公司有見及此，給予阿嬌一個緩衝期，只望時間冲淡一切，令群眾對阿嬌重拾信心。
昨日有報道指鍾欣桐（阿嬌）備受疑似藝人淫照事件困擾，心情大受影響而缺席公開活動，拍檔蔡卓妍（阿Sa）表示：「阿嬌呢段時間都想有個緩衝期休息，佢會盡快收拾心情，發生呢件事佢承受嘅壓力都好大，我會盡量配合佢。」
阿Sa：日日通電
對於有報道指阿嬌需要見心理醫生，阿Sa說：「冇咁誇張，佢始終都係人，都有情感，呢段時間我會喺佢身邊畀最大鼓勵佢，至於Edison（陳冠希）退出一事我冇同佢提，亦都冇咁嘅需要。」再問到阿Sa是否因為上次出席《雪中送暖》被投訴，所以阿嬌存有陰影而缺席公開活動，阿Sa說：「壓力每件事都會有，唔係個別一兩件事，總之工作上我會配合佢，我同Mani（經理人霍汶希）都有去探佢、日日同佢通電話。」同時阿Sa又表示對於廣告商的支持大為感動。
至於Twins的經理人Mani指阿嬌因為暫時未能投入工作，故辭演了電影《武俠梁祝》，Mani說：「大家畀啲時間阿嬌，人嘅路始終要行，佢今次好堅強令我覺得最開心，因為佢一向最需要保護。Twins會如期去25號北京一年一度展銷會，但到時唔會有記者唔會有訪問。總之畀啲時間大家適應佢，又畀阿嬌適應啲群眾，佢係會休息，但工作就冇取消，佢唔會唞好長時間。」
未見反嬌行動
有報道指嬌媽曾找Mani哭訴，Mani澄清沒有此事，她只是安慰嬌媽。對於近日有網友原定於昨日的活動上發起反阿嬌大行動，現場所見只有近500名市民及fans圍觀。Mani說：「今日都唔覺有呀，啲人都冇出現過。」
在場有一隊專誠由日本來港的NTV電視台拍攝隊伍，因淫照事件震驚日本，所以NTV電視台都派出人員到港追訪一眾牽涉在內的男女藝人。
採訪：李珮洳 攝影：陳順禎
網友惡搞淫照風暴
淫照風暴擾攘超過三星期，事件男主角陳冠希（Edison）日前就此事公開道歉，並表明會退出香港娛樂圈，不過事件沒有就此平息，近日有內地網友將淫照風暴主角Edison、謝霆鋒及鍾欣桐於04年拍攝的電影《新紮師兄》片段剪輯，再改編對白製成5分半鐘的惡搞版《兄弟芝嬌》，來諷刺幾位主角。
惡搞短片其中一幕講述Edison和阿嬌在電車上談心，對白卻變成Edison𠱁阿嬌回家的甜言蜜語，至於毫不相干的周星馳，都有份「客串」一角。雖然這短片在網上廣泛流傳，但也有網友認為玩得過了火位。撰文：林妃
《兄弟芝嬌》
http://www.ku6.com/show/PbIRDjlz7Q18Iikf.html
