「都算係大挑戰」<br>靚靚偷運𦧲地魔童睇騷

「都算係大挑戰」
靚靚偷運𦧲地魔童睇騷

袁詠儀（靚靚）與關詠荷有子萬事足，昨日她們分別帶同子女看廸士尼兒童劇，為免他們曝光，二人各自施法「偷運」子女入場，可謂用心良苦。靚靚透露囝囝魔童15個月大，一扭計即瞓地抗議，昨日乖仔第一次睇兒童劇，未知他有否耐性，所以算是一大挑戰。

袁詠儀、關詠荷張家輝夫婦、琦琦和龔慈恩等，昨日現身理工大學綜藝館，帶同寶貝子女欣賞廸士尼的《JackandtheBeanstalk》舞台劇，實行周末親子樂。不過，靚靚和關詠荷怕小孩曝光，分別「偷運」了15個月大的囝囝魔童及兩歲囡囡Brittany入場，避開傳媒耳目。

琦琦一向痛錫囡囡Ella，不時帶她參加小朋友活動增加社交。

康子妮單拖帶兩個囝囝睇騷，兩個小朋友都表現活躍。

美食𠱁乖仔

靚靚笑言：「囝囝自己嚟，有你哋喺度我就諗辦法運佢入去先，個仔第一次睇呢啲騷，唔知佢有冇耐性睇，都算係一種挑戰，我帶定好多嘢食畀佢，希望畀少少面我坐耐啲。𠵱家BB15個月大，越大越易湊，但有時喺街扭計瞓地，我唔會理佢，理佢就俾佢控制住我。」

張家輝及關詠荷平時工作各有各忙，是日抽空陪囡囡Brittany睇兒童劇。

龔慈恩帶同一對子女看兒童劇，共享天倫樂。

為女設基金

此外，問關詠荷有否為囡囡準備400萬養育基金，她表示未必需要，她說：「應該唔使咁貴，但係如果有啲專門科目，都會畀錢佢學。如果仔女出色嘅，相信政府會資助，同埋我哋為個女成立教育基金。」至於龔慈恩兒子與陳冠希的英文名發音相近，她說：「佢（兒子）個名串法係Addison，其實呢個名好普遍。」
採訪、攝影：RachelWong

靚靚為了保護疑是囝囝「魔童」（圖）免曝光，以聲東擊西手法引開記者。