肥姐沈殿霞下月2號在紅館舉行的追思會，是鍾鎮濤（阿B）的演唱會借出半日期，阿B前晚出席BMA春茗時說：「肥姐係香港人嘅icon，對佢有份尊重喺度，犧牲啲嘢冇乜所謂，我會出席佢嘅追思會，我哋以前合作過，我覺得佢係香港人嘅開心指標。」同場的鄭伊健表示會約埋林珊珊一起去肥姐追思會，他說：「師傅（羅文）同肥姐熟啲，我哋做嘢見過面，佢係前輩，前輩講嘢後輩唔敢出聲，去唔去追思會要睇安排，可能約埋林珊珊一齊去。」
盼欣宜積極人生
草蜢的蔡一智和蘇志威透露最後一次見肥姐已是前年的事，他們說：「對上一次見肥姐係06年保良騷，當時我哋要喺肥姐隔籬跳舞，佢話驚草蜢會整蠱佢，不過肥姐話最緊要帶歡樂畀觀眾，如果可以帶到歡樂畀大家就冇所謂，之後就傳佢入院，佢係我哋好佩服同值得尊敬嘅藝人。我哋同欣宜唔係太熟，希望佢可以積極面對人生。」
採訪、攝影：王連連