陳冠希退出香港娛樂圈，仍令圈中餘震，昨日一眾藝人繼續對其做法各抒己見。
袁詠儀求教醫生
「我𠵱家不停睇心理醫生，講有關呢件事點教小朋友，睇多啲唔同人嘅講法，到時睇吓點教。有朋友話留番畀小朋友做教材，但我已經delete晒，如果真係有需要咪問人借，但我覺得冇理由收藏咁耐，而且遲啲風氣又會唔同，只要教識點照顧自己就得啦。
Freeze：浪費警力
「Edison道歉好有誠意，佢自己都係受害者，希望件事快啲過去，都睇吓其他新聞，不過始終唔明點解成200個警察，仲勁過溫家寶同荷李活巨星，實在太濫用。」
楊愛瑾：可轉幕後
「Edison退出係佢自己嘅選擇，都好認同佢咁做，公開道歉係好事，佢唔做幕前可以轉做幕後。」
周麗淇：「佢退出娛樂圈希望可以平息件事，作為普通巿民唔應該加意見，作為朋友我會尊重佢嘅決定。」
傅穎：「我覺得偷相嘅人好唔啱，呢件事係有關公眾人物，外界太多人關注，或者咁樣Edison受到威脅，警方先派咁多人手，無可厚非嘅。」