周麗淇（Niki）、鄭嘉穎、徐淑敏和李詩韻等，昨日於將軍澳宣傳無綫新劇《最美麗的第七天》，Niki表示日前剛由美加登台返港，若《最》劇收視理想，必定請台前幕後的工作人員食飯慶祝。
由於大會安排劇中的狗仔演員到場，令Niki想起剛於年初二去世的愛犬，她表示因去了登台，未能見愛犬最後一面，令她十分傷心，她說：「佢年初二過身，都成16歲，年紀都唔細，呢排都好多以前同佢一齊嘅畫面湧現，佢死時我啱啱去咗美加登台，可能係佢唔想我見到佢死，因為我一定好難過，我返嚟香港先知佢唔喺度，我都怪媽咪點解唔早啲講我知。」
骨灰灑大海
Niki表示稍後將與家姐齊齊為愛犬處理後事，更會將骨灰灑向西貢大海，並自言未考慮再養小動物，問到鄭嘉穎可有安慰Niki時，他說：「咁實會唔開心，順其自然喇，我以前都有養過小動物，過咗身我都喊到死，何況佢係女仔，每樣心愛嘅嘢失去咗，都會好傷心。」
鄭嘉穎稍後接拍劇集《烈火雄心3》，他說：「要開始操fit身形，好在有兩、三個月時間健身，因為有好多動作鏡頭拍，身手要好啲！」
採訪、攝影：王崇穎