NikeAirJordan前晚在尖沙嘴舉行「RespecttheLegendof23」派對，出席者包括楊千嬅、余文樂和鄭融等，有傳陳冠希（Edison）原本有份與余文樂等拍攝AirJordan23載傳奇海報，但因淫照風波而被抽起。
問余文樂有關傳聞時，他說：「唔知佢有份，乜都唔知。」可有致電Edison？樂仔說：「我從來唔會喺呢個時候做呢啲嘢，畀多啲時間佢休息。」那麼可有打電話給謝霆鋒？他說：「過年有打畀佢，想探吓小朋友（謝振軒），霆鋒話歡迎，但最後自己冇去，佢心情冇乜特別。」
拒認睇錯人
問楊千嬅對誼弟Edison道歉睇法時，她說：「好尊重佢決定。我冇搵佢，但有SMS問候，畀啲思考空間佢反省，經過呢個教訓會長大。佢用時間證明自己誠意同歉意，希望佢努力工作，反思都好重要。」問可覺睇錯人時，她說：「唔回應，唔可能人哋發生乜事就標籤人。」千嬅表示今次事件可令年輕人學懂如何保護自己。
採訪：王崇穎 攝影：林德雄