寇鴻萍（Isabella）早前與夫婿梁廷鏘及一對女兒唐貝詩及唐貝欣到美國拉斯維加斯及加拿大過農曆新年，Isabella說：「自從對囡囡去咗英國讀書，都好多年冇一齊過新年，今年時間夾到所以好開心，我哋頭一站去咗拉斯維加斯，去楊寶玲夫婦嗰間賭場睇騷。」
情人節有艷遇
之後，她們到了溫哥華滑雪，Isabella說：「嗰度由於係滑雪勝地，好多人滑得好叻，我個細女都滑到識飛。情人節嗰日，仲有個後生仔飛埋嚟攬住我，都有少少尷尬。」問到Isabella今年情人節收甚麼禮物，她說：「一隻金嘅Rolex同埋呢個行程。」
提到淫照風暴男主角陳冠希，寇鴻萍表示與子女常常都有家庭教育，她說：「𠵱家啲年輕人都唔承擔責任，一係就走咗了事，一係又話移花接木，一係又賴電腦俾人偷，如果冇做冇影過呢啲相就乜事都冇，就算結婚都會離婚，女仔要保護自己，我自己都係教徒，係反對婚前性行為。」
撰文：RitaLeung