無綫昨日在奧海城舉行新劇《太極》首播會，出席藝員只得林峯、馬國明和李詩韻等，其他主角如趙文卓、吳美珩及胡杏兒等均未能抽空出席，幸好有數十位fans助陣，場面熱鬧，林峯表示：「趙文卓拍完套劇就結婚，下月頭都會返嚟宣傳，而美珩生BB嘛，新年我都有SMS佢。」
懶理黃宗澤
在剪輯片段中，林峯和馬國明同樣艷福不淺，尤其林峯與胡杏兒的床上戲及咀戲均十分激烈，對古裝而言可算相當露骨，難度不怕黃宗澤呷醋？林峯笑說：「同杏兒嘅床戲的確好激，仲有唔少咀戲㖭，今次仲係要我好主動猴擒，都係工作啫，況且仲係兩年前拍，都未知嗰時開始未。」馬國明和李詩韻也有不少親熱場面，馬國明會否怕被李詩韻男友鄧建泓鬧？他說：「要鬧叫佢哋搵我啦！」
採訪、攝影：卓寶花