公仔箱小生「牛仔」，每次有新劇出街，佢都會諗計搞啲是非出嚟做宣傳，雖然啲橋就老套啲，但總算等啲觀眾講吓佢部劇。好似最近播嗰部《瘦柴愛食冰》咁，聽聞佢原本想同女拍檔「兒嬉」搞啲是非，例如緋聞或者不和之類嘅例牌菜。
不過牛仔鍾意自己搞是搞非，已經街知巷聞，兒嬉間公司覺得兒嬉近年都夠晒黑仔，唔想佢再搞啲無謂是非，費事搞到同牛仔衰埋一堆啦。所以牛仔惟有轉打實力派嘅「矮哥」主意，諗住同佢傳吓爭戲份鬧不和咁啦，點知一向都係實力派嘅矮哥，睬都唔睬佢，一於照舊做好自己本份，直情當牛仔冇到，所以今次部劇出街咁水淨鵝飛，無風無浪啦！
Textby關仁