最近藝人淫照風波，鬧得滿城風雨，但我們不得不承認，自拍已在網絡世界形成一種文化，不少十八、廿二或九字頭出世的後生仔，都曾把自拍照放上網絡與人分享。其實自拍不一定與情色有關，亦可以很正面，至少在年輕一輩心中，它代表着「自我」的存在，是吸引別人注意的渠道。
記者：劉明慧
攝影：王文忠
攝影是將被拍攝的東西據為己有，它意味着將一個人置入與世界的某種關係，這種關係令人覺得像是獲得一種知識，因此也像握有某種力量。
蘇珊．宋妲（SusanSontag）
風潮由台吹港
說到自拍風，台灣吹得更劇烈，出現大量教自拍文章，例如高角度拍下、女生要大眼睛、扁嘴笑；男生要有造型（髮型）等。台灣天王吳宗憲，在《我猜》節目中，想出用10隻手指擺pose做十連拍。而大量的自拍相更衍生網拍model新行業，即網上拍賣自己作別人的私影對象。
BritangYeung
年齡：20
Blog齡：3年
簡介：10歲前在台灣生活，現職model，因post相上網而被星探留意。
http://www.xanga.com/LoveBritang
ErikoYeung
年齡：19
Blog齡：2年
簡介：自認是個自戀狂，相機不離身，任何時候連食飯睡覺都拍照。
http://www.xanga.com/ErIko_ANGEL
由Blog引發……
問10個有自拍經驗的人，9個都有寫Blog，好像Britang，她的自拍照片就是從寫Blog而起。「當時見好多朋友寫Xanga，覺得幾得意，可以寫嘢又可以俾人認識我，於是在Xanga開個account玩。」而Eriko則笑說自己是個自戀狂：「我以前一向都有把相放在網上相簿，後來同學寫Xanga，我睇咗幾次後，就跟着玩，寫吓自己心情貼吓相。」
星探留言……
打開Britang及Eriko的Xanga會看到很多自拍照片，食飯時會拍，跟朋友出街會拍，遇到可愛得意的東西，都會忍不住拍下。Britang就話：「我啲相都係用手機影，好似見到碟餸靚會影，做嘢化新妝又會影，其實只係想留低生活點滴。試過有星探睇完我嘅相後，喺我Xanga留言，跟住就得到casting機會，所以做model曝光率好重要，自拍照對工作多少都有幫助。」
Eriko就覺得自拍只是把生活記錄下來：「同朋友出街，每次都會喺街到度周圍影，當做一個生活記錄，然後放上Xanga同其他人分享。我會係post相同時寫低自己心情，咁朋友睇到，可以知道同了解到我做過咩。」
遇網上怪客……
網站這個公開的地方，沒有私隱，貼相上網，Eriko及Britang都曾遇過怪客偷圖。「我試過俾男仔偷我啲相post喺佢Xanga度，然後寫『今日同Britang食飯』等等，好變態。」而Eriko試過被一個初中女生偷相：「佢post我張相上Blog話係佢自己，偷咗我去海洋公園嘅相話自己去嗰度玩。」雖然，相片放在網上並不安全，但兩人都說並不擔心，依然會繼續將自拍照放上網公諸同好。
自拍自貼網
除了一眾Yahoo、Sina及XangaBlog外，網絡上還有很多可以自貼照片的地方。
Fotop
可以寫日誌的相簿，儲相量大，多攝影發燒友及model用。
http://www.fotop.net/
AKZone
貼圖交友網站，有分靚仔、靚女貼圖區，亦設專貼網絡醜圖區域。
http://photo.akzone.com.hk
Uwants
網上討論區，內有貼圖區域，不時有網友自貼或轉貼。
http://www.uwants.com
3男2女
近年出現的討論區，對象為中學生，打扮貼近潮流，髮型別樹一格。
http://www.3boys2girls.com
