早幾日中外體壇都有頒獎典禮，外國運動員都set到行晒，着晒晚禮服出席，但班本地選手就求其過求其，就算唔係好似傅家俊咁全副西裝，都應該好似黃金寶咁玩smartcausal，點可能一身tracksuit上台領獎？南華會自羅生上場後，要班球員着西裝出席官式場合，仲搵埋名牌Armani贊助，或者有人覺得咁做好扮嘢，不過我就認為呢啲叫尊重大會。
車仔老細阿巴莫域治算係smartcausal典範，成日恤衫牛仔褲，佢班波聽晚同熱刺爭英聯盃。雖則車仔好「弗」，但熱刺今屆打盃賽超醒，受讓平/半值捧。
讓球：熱刺（下）
心得：熱刺領隊拉莫斯有盃賽命
近5場往績：贏贏輸輸輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。