〈開倉版〉頭條已4連勝，可惜上次過關斷纜，暫未能重返正數，既然貼英冠球隊續有佳作，一於再接再厲，捧水頭充足的英冠新貴昆士柏流浪，主場殺退分心的錫菲聯，繼續向不可能的任務前進。
昆士柏流浪自有據報比阿巴莫域治身家多一倍的印度鋼鐵大王米塔爾入主後，大洒金錢擴軍，向同級球會簽入射手洛雲維尼、艾爾文、中場加雲馬漢、布斯沙基、後衞馬菲干洛尼、利格活及廸蘭尼等，正選陣容幾近面目全非。購入球員表現亦有交代，今年初起聯賽7戰4勝3負，由季初的榜末位置，升上第17位；其實球隊目標不只要護級成功，現階段仍望爭入前6位，觀乎該隊現時人腳之鼎盛，在尚餘十多場比賽下，小弟亦未敢撥冷水。
錫軍有後顧被莊家睇低
今次迎戰的對手是名氣足、但現於聯賽僅較昆士柏前1位的錫菲聯，上場在足總盃直播主場鬥超聯米杜士堡不落下風，必惹捧場客注意。但莊家今戰開出昆士柏流浪讓平/半，理據可能是除認為昆士柏已大變身外，他們上仗令人意外地領先兩球下，竟被般尼連追4球屬意外之作；另外最重要是升班機會已不大的錫菲聯，在下周二要作客米堡踢足總盃重賽，今場有後顧下，鬥志不及今場主隊，信莊家眼光，捧上盤。
曾想過用「1哥」史篤城作重心，但擔心英冠榜首位置常易位；不如捧由路達任領隊後，近兩個月同樣大有起色的諾域治氣走班士利，單W1.9倍極硬淨；另外，再選足協盃揸流攤的熱刺鬥車仔開下盤，雖然最後決定唔撐早飛名家畢傑嘅布力般，祝佢好運啦。
近5場往績：贏贏贏贏輸
蘋果波神
英超波癡有一個心願，5月話你知！