今次東錦賽，其實前身係皇朝盃，筆者初入行時亦曾經到過日本採訪98年嘅皇朝盃，當時仲有香港參加，面對中、日、韓3支勁旅，輸波早已預咗，但那份拼勁值得一讚。
記得當年喺好寒冷嘅天氣比賽，橫濱綜合競技場又大又空曠，大風到連企係都有嘅難度，筆者坐喺場邊影相都凍到手腳僵晒，但都值得；因為那時各隊都派遣最強陣容出戰，中田英壽都係啱啱崛起，比賽充滿戰鬥味，尤其日韓對壘，真係為民族而戰，唔輸得，中國對日本亦更加有深厚淵源，所以比賽十分精采。
今日東錦賽，日韓只派2線球員出賽，讓年輕球員吸取經驗，爭勝決心唔多夠，球員都唔想受傷，影響即將開鑼嘅本土聯賽。希望周六場日韓大戰為爭冠軍而變得精采，我就捧日本。
讓球：日本（平）
心得：日本整體實力較完整
近5場往績：輸贏輸輸贏
戰鬥員A
平手盤捧主隊續係今季宗旨，想避免中鬼盤？留意我阿A啦！