陳冠希前日舉行記者會宣佈退出香港娛樂圈，以圖平息淫照風波，他的做法卻再度成為全港熱話，圈中人意見紛紜。
吳宗憲：我覺得他還要接受法律制裁才對，我是比較嚴苛，覺得年輕人你要怎拍都OK，但是要保護好照片，沒有盡到保護照片的責任就應該接受法律制裁。
傅穎：我相信Edison經過深思熟慮，可能佢覺得咁做會好過啲，當畀公眾一個交代，呢個選擇係一個承擔，佢一定要同啲女星道歉，件事所有主角都唔想發生，Edison都唔想啲相發上網，但係影響得啲女藝人好緊要。
何超儀：佢都唔想（退出），但我贊成佢𠵱家休息吓，以佢嘅才華喺外地發展都可以好好。我覺得香港道德觀念文化未夠先進，先會有咁大反應。我暫時唔會煩Edison住，佢都好唔開心。
鍾嘉欣：我有睇Edison嘅記者會，佢好誠懇，仲可以做到啲乜呀？有勇氣企出嚟已經好好，退出都可以隨時返香港啫。我係會原諒人嘅人，人一世唔應該有任何仇恨，但如果我係當事人，呢一刻一定唔原諒佢，時間會冲淡。呢件事都係教訓，啲女仔要堅強啲，唔好睇唔開。
官恩娜：估唔到佢咁講，睇佢嘅眼神係好誠懇囉。如果我係當事人，未必會原諒佢，發生咗嘅事都已經發生，希望快啲淡忘啦。
溫碧霞：咁耐以嚟冇試過有咁誇張嘅新聞，睇到新聞個心好唔舒服，受傷嘅人太多，尤其係啲女星，最唔啱係發相人，Edison都好慘，佢都唔想，要畀機會佢。