疲倦駕駛，即係揸揸吓車瞓着咗而引致的交通意外經常發生，後果同醉酒駕駛一樣咁可怕。即使你滴酒不沾，但睡魔呢個瘟神卻避無可避，職業司機的情況就更加嚴重。
為咗避免疲倦駕駛而引發意外，日本豐田汽車就發明咗一套「探測眼瞓」系統。原理係利用一個小型攝錄機拍攝及用電腦分析駕駛者的眼皮活動，睇吓駕駛者係咪瞌埋眼揸車，加上車上雷達會預測汽車會唔會跟前面的物件發生碰撞，一旦發覺有咁嘅危險，就會馬上發出聲響叫醒司機，更會自動煞停架車，確保唔會有意外發生。呢個系統價值50萬日圓，即係大約3萬6千港幣，豐田現時亦只係打算應用喺高檔型號車種之上，不過假如3萬6可以執番條命，真係一啲都唔貴。
文：周達之