開心果沈殿霞（肥姐）大前日於瑪麗醫院病逝，終年62歲。有傳肥姐去世前一日曾跟前夫鄭少秋聯絡，肥姐好友陳淑芬昨接受電台訪問時否認說：「冇咁嘅事。根本冇諗過搵佢，唔會因為通唔到電話而遺憾。」
沈殿霞生前的好友陳淑芬，昨日接受商台電話訪問時，聲音仍顯得十分傷感，她表示前晚鄭欣宜與家人在寶福山為肥姐做法事，被問到肥姐生前有甚麼遺願時，陳淑芬說：「𠵱家我哋做所有嘢，係根據佢意思去做，我哋負責執行，佢心願返溫哥華安葬，入土為安。」至於是否葬於肥姐父母旁，陳太沒有直接承認，只說：「佢已經安排咗墓地，喺一個靚禮堂進行，然後入土。」欣宜將出席3月2日紅館舉行的肥姐追思會，而肥姐家姐及胞弟因要留在溫哥華打理肥姐後事或未能返港出席。
肥姐曾說：我要走
訪問中，陳淑芬否認肥姐一直要插喉：「插咗喉點講嘢？之前喺ICU，有次好危險嘅時候插過，但嗰次醫生都覺得危險，但隔咗一日，佢好勁好叻，精神到不得了，起身仲即刻醒起年三十晚要食飯，記得之前準備咗當晚會食乜嘢，但我心諗佢喺ICU點返呢？」
究竟肥姐是否曾有預感會離開？陳淑芬說：「唔知係咪，但佢走之前一日，見佢精神尚可，個人弱啲，佢當時望我哋好耐。但佢唔鍾意我哋喺佢面前有眼淚，一路以嚟，我哋講嘢𠱁佢開心，佢嗰日仲同我講，我要走！個心聽到佢咁講就打個突，突然間好酸，我仲話：『係呀？你想出院？一陣先。』」
有傳肥姐去世前一天曾跟秋官聯絡，陳淑芬否認，亦表示肥姐沒遺憾，已做晒她想做的事，又暗示秋官應聯絡欣宜作支持，陳淑芬說：「冇咁嘅事。根本冇諗過搵佢，唔會因為通唔到電話而遺憾，人哋都有個屋企。但欣宜需要support，如果係爹哋安慰下係件好事，打畀個女都係支持，因為欣宜短時間內失去兩個至親。」至於秋官會否出席喪禮，陳淑芬說：「唔知，你問番秋官。」
在前妻肥姐過身後一直未有露面的秋官昨日在橫店開工，身邊有近四、五名工作人員陪同，有線記者欲跟秋官做訪問，追問他會否出席肥姐的追思會，秋官沒正面回覆，不過有消息指他不會回港參加追思會。
欣宜拒談論父親事
另一方面，欣宜的七人車昨日上午10時由欣宜暫住的新世界酒店駛往九龍塘劍橋花園寓所，雖然未見欣宜影蹤，但車內擺放了數個LV行李篋，相信欣宜是把亡母遺物送返家中。
欣宜昨晚10時許離開食肆返回新世界酒店，記者問秋官會否陪她返回溫哥華時，欣宜淡然說：「你哋自己問佢啦。」
無綫高層樂易玲和何麗全，昨午到新世界酒店跟陳淑芬和欣宜商討肥姐追思會事宜；開會後，欣宜與陳淑芬、張徹太太及細姨媽和細姨丈等於晚上約七時，乘坐七人車前往灣仔著名的上海菜館留園晚膳，欣宜一身黑白素服，頭上戴上白花及化淡妝，神情顯得十分平靜。另一方面，樂易玲透露明日中午會於美麗華酒店為肥姐追思會舉行記者會公佈詳情。
採訪、攝影：藍文浩、王連連、葉君海、卓美娟