劉心悠因為形象健康，先後獲邀為護膚品、脫毛等唔同產品擔任代言人，佢噚日喺九龍出席即棄隱形眼鏡宣傳時話：「可以做咁多產品嘅代言人，我已經覺得好幸福，做人唔可以太貪心。」佢又話𠵱家戴咗隱形眼鏡仲可以對住鏡頭放電。講到日本女性好鍾意拍裸照收藏手機中，劉心悠認為呢啲係個人自由，佢就一定唔制。