黎姿（GiGi）去年底出席好姊妹蔡加敏婚禮時，成功接到新娘花球，姻緣隨即降臨，黎姿前晚甜蜜承認與低調商人「G先生」約會中，情人節收花收禮，更揚言希望兩年後結婚。
黎姿、林峰、葉童夫婦、熊黛林、AnaR.等前晚出席高級旅行袋Tumi在中環的酒會。黎姿穿上購自連卡佛的閃片裙，春風滿面，前晚是元宵佳節，問她收到甚麼禮物？她難掩甜蜜，自爆說：「未收到，情人節就有收到禮物。」問她是否有男友送禮？她笑逐顏開說：「唔講，總之，係一樣值得收藏嘅嘢啦，花都有。」莫非是鑽石？GiGi甜笑不已，說：「唔講，拍唔拍拖都唔講，你哋估啦。」
「想知生仔係點」
黎姿後來承認對方是圈外人，記者問她如何稱呼？黎姿想一想說：「G先生啦。」記者笑指解作GiGi的男朋友，黎姿笑得更甜說：「佢係一個低調、好殷實嘅商人。」她之前為蔡加敏做紅娘，去年她由蔡加敏手上接到花球，姻緣即至，黎姿說：「佢一直好努力幫我物色，不過佢新年又出trip、𠵱家又有咗，佢有BB自己都好緊張，我都預備將來學多幾招。每個女人都想有好嘅家庭，生兒育女同有好老公，我都想知生仔係點。」
問黎姿有冇結婚衝動？她說：「隨緣啦，我𠵱家處理緊細佬診所。唔，希望兩年內啦，每個人都有希望㗎啦！」問她G先生是否理想丈夫，見了家長未？黎姿即求饒，叫大家不要多問。
熊黛林三捧城城
同場的林峯則指自己八、九年冇拍拖，早已習慣寂寞，但希望未來揀圈中女友，因為圈中人更了解他們的生活作息。熊黛林與AnaR.示範手袋，問熊黛林可會捧今晚城城尾場？她說：「唔會喇，我睇咗三次喇，留番啲飛畀fans啦。」她又謂前晚元宵無與城城過，也無整湯圓。
採訪、攝影：LawWaiMan、StephenieYeung
