股神畢菲特，係人都知佢係乜水，原來佢位公子彼得畢菲特都唔少嘢，佢除咗係著名音樂家，仲私人掌管一個總值12億美金（94億港銀）嘅基金。佢下個禮拜就會首次到北京進行文化交流，順便睇吓有冇機會幫個基金喺中國投資吓咁話。
內地報章報道，小畢菲特將於本月27至29日，隨威斯康辛州代表團到北京進行文化交流。今次代表團團長、前美國威斯康辛州國際商務部主席艾那唐根話，小畢菲特夫婦今次一齊訪京，順道了解中國情況，諗吓未來發展計劃，尤其係點用佢個私人基金嘅錢。
小畢菲特原來仲係著名音樂家同埋音樂製作人，91年替奧斯卡獲獎電影《與狼共舞》編曲編舞而一舉成名。