做熱刺球迷，少啲耐性都死，唔好話爭錦標，可以連贏到幾場，或者keep住喺聯賽榜前列，做到個勢出嚟，都夠發夢時笑醒。
終於望到球隊殺入盃賽決賽，雖然聯賽盃決賽對手係人強馬壯嘅車仔，球員臨場表現至係關鍵，冇話一定睇住人捧盃嘅。
決賽場合，一場定勝負，受讓嗰邊點都值得捧吓場；6年前聯賽盃決賽，又係2月24日，又係熱刺，讓布力般流浪半/一，結果布力般贏盤贏盃！希望熱刺呢場都得到呢個被睇低少少嘅「優勢」，製造冷果，我真係好想再睇到熱刺捧起冠軍獎盃嘅直播畫面呀！
讓球：熱刺（下）
心得：臨場出擊有着數
近5場往績：贏贏贏輸輸
華度
賭波贏到一場，贏到一日，贏到一個禮拜，贏唔到一世，幫到你嘅就係咁多。