里昂賓施馬又有佳作，下季英超見
阿仙奴攻唔入，幸見法比仔回甦喇
銀河冇質冇態，古列治有排執
禮拜日記緊要睇英聯盃
英冠有心水，請波友明天繼續支持〈開倉〉
最新動態
阿仙奴如賽前所料源源不絕發動快速地面進攻，可惜遇上疑似脫臼、但成場接波冇甩手嘅AC門將卡勒。主隊有高路托尼賽後證實要小休一個月、伊保爾插水被罰牌，最後今季順風順水嘅艾廸巴約做了敗家仔；禮拜三晚，「黑」氣籠罩阿聯酋球場上空。
兵工廠全場佔優贏唔到，不得又一次證明歐聯是薑係老嘅辣；無論由受傷前的尼斯達，或之後由卡拿廸斯帶領的AC防線一樣穩固。賽後有評論認為，今場證明同時間在蘇格蘭入波，但已投巴塞的亨利令人懷念。
球場上成與敗有時是電光火石之間，懷念往昔美好是人之常情，但只要你看韋拉現今在國米的作用，便知在現今極具體力化的頂級比賽，靠近30歲的球員難以長期無病無痛。
含寃受屈，遇上黑日子實是人生平常事，艾廸巴約若不是祖國多哥在非國盃不入決賽周；有尹佩斯長唞、只靠未成熟的賓特拿衝鋒陷陣，相信阿仙奴在聯賽應反落後曼聯5分，雲格其實已賺凸。
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/