鍾鎮濤（阿B）早前趁農曆新年與周麗淇到美國和加拿大登台𢱑銀，更在當地玩掟雪球，相當盡興。不過阿B表示此行最大得着是可欣賞拉斯維加斯的舞台劇，正好讓他吸取靈感籌備下月舉行的演唱會。
走出破產陰霾的鍾鎮濤趁着農曆新年，夥周麗淇（Niki）到美國和加拿大登台，實行過大肥年。他們先到拉斯維加斯的賭場演出，又四出遊覽，令阿B大開眼界，他說：「好開心可以順道睇拉斯維加斯嘅舞台劇，我哋連續睇咗兩晚唔同嘅表演，當地嘅製作非常龐大，演員又專業，舞台設計非常特別。」下月開騷的阿B還說：「我都有從中偷師，希望吸收更多新事物同靈感，放喺演唱會入面。」
其後阿B與Niki又到加拿大多倫多演出，由於當地下着大風雪，氣溫只有零下20度，冷得二人牙關打震。不過兩位大細路竟不顧儀態，即場拿起雪球互相攻擊，相當貪玩。
喜跟三哥合照
之後二人又到溫哥華演出中僑慈善晚會，為當地華人籌款，同場嘉賓更有苗僑偉（三哥）和戚美珍。Niki即把握機會跟三哥合照：「好開心可以同三哥三嫂同台演出，證明大家都好有善心。」另外，阿B又接受李婉華的電台訪問，婉華讚阿B說：「B哥哥真係越嚟越有型靚仔，唔怪得又出書又開演唱會，寶刀未老呀。」
撰文：林妃