近日有報道指被牽涉入淫照風波的張栢芝以抱着兒子跳樓作威脅，不許老公謝霆鋒看淫照，霆鋒兩位好友劉浩龍和許志安昨日均表示不相信是事實。劉浩龍說：「我之前有同霆鋒拜年，佢心情OK喎，我唔信栢芝以死迫霆鋒，唔好胡亂猜測，每個受害者都唔想提太多，畀啲空間佢哋。」
「希望件事快啲過去」
劉浩龍續說：「呢排娛樂圈好似好多唔開心事，所以圈中人應該齊心啲，我好支持霆鋒，我冇問佢呢件事，費事佢煩，不過我覺得佢冇唔開心，唔好令一個幸褔家庭好慘咁，我呢排冇上去佢屋企打機，佢搬咗屋嘛!」
至於平日有跟霆鋒一起踢足球的許志安，表示近日沒有找過霆鋒，他說：「我點會信栢芝咁做，唔多講，只希望件事快啲過去，我冇搵過霆鋒，𠵱家唔方便搵佢。」
採訪：駱華齡
攝影：陳順禎