眨吓眼，藍鑽石囡囡就快歲半，佢越嚟越活躍，成日主動拖住我要周圍去，俾個女牽住走，勁攰又心甜。但唔係樣樣俾人牽住走都開心，好似愛隊AC喺歐聯俾阿仙奴牽住走，大鑊！
前晚〈拉闊足球場〉，讀者Ringo質問我作為AC躉，當日因乜事要博「大」膽？查實我早估到AC想要個作客入球，所以博「大」。事實證明AC開波嗰段好進取，結果博唔到作客入球，優勢？我睇唔到囉。
禮拜六、日咁多場波，信心度都唔及禮拜一場英超獨腳戲，撐硬受讓曼城平/半嘅愛華頓。
讓球：愛華頓（下）
心得：曼城邊會有兩咀？
近5場往績：輸贏贏贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。