曾拍攝劇集《美麗的日子》同《輪舞曲》嘅韓星李貞賢，噚日好開心出席中央大學戲劇電影系嘅畢業典禮。佢用咗九年時間先完成整個學士課程，所以佢噚日就叫埋媽咪同大批記者睇佢戴四方帽，分享喜悅。另外，男星李東健就冇咁好彩，佢因為唔夠學分，上年被漢陽大學踢出校，最近先轉入慶熙網上大學繼續進修。