【本報訊】藝人淫照風暴男主角陳冠希（Edison）公開道歉後，他已離異的父親陳澤民及母親Carol昨日首度開腔回應事件，並分別就兒子對公眾造成的影響道歉。兩人也自責未有好好管教兒子，令他變得反叛任性。陳冠希向母親承諾，以後不會再拍攝淫照。 記者：陳月媚、謝明明
身在溫哥華的Carol接受本報長途電話訪問時稱，前日收看CNN報道得知兒子已返港，並召開記者會交代事件，「見到個仔喺電視同我道歉嗰刻，我好有衝動即刻打畀佢，同佢講其實要道歉嗰個應該係我。因為我同我先生嘅感情出現問題，分開咗好耐，令到佢要喺單親家庭環境下成長，冇一個完整同健康嘅家庭好好培養佢，令佢嘅性格變得咁反叛任性。」
母：未見過佢咁傷心
陳母自稱是失敗的母親，未能好好教導兒子：「我需要向公眾道歉，同時希望大家可以原諒我個仔嘅錯。」陳冠希上月底離港後即飛返溫哥華，陳母到機場接機時，Edison立即跟她道歉，陳母說：「佢一落機就同我講話『sorry，我令你咁失望』。」
記者問陳母有否詢問陳冠希為何要拍攝該批淫照，陳母稱因Edison的情緒一直都很低落，所以未有深究此問題，但兒子已答應她以後也不會再做這些事情，陳母也心痛地說：「佢由出世到𠵱家27歲，都未見過佢咁傷心，咁激動同咁低落。」對於Edison宣佈退出香港娛樂圈，陳母表示尊重兒子的決定。
「Vincy一直支持Edison」
傳聞Edison與女友楊永晴（Vincy）的感情有變，據陳母了解，二人感情未有變化，彼此扶持，她也大讚Vincy是個好女孩，自從兒子跟她一起後變得定性，及更努力工作：「我好感激Vincy，好彩有佢一直支持Edison，雖然佢年紀輕輕，但好成熟好體貼，非常善解人意，我同Edison都好鍾意佢。」
父：希望佢得到教訓
陳父陳澤民在香港接受電話訪問時表示，「其實每個成年人都要為做嘅嘢承擔後果，佢已經為自己嘅錯付出沉重嘅代價，希望呢件事可以令佢得到教訓。」
陳澤民表示兒子犯錯，身為父親也難辭其咎：「因為我冇好好管教佢，所以我要為個仔做嘅事同公眾道歉。」他也向被牽涉的女藝人致以深切慰問，並送上祝福，「希望佢哋可以原諒Edison。」