男人好難明白女人購買過千元的內衣，即使件內衣本來Over50%係買嚟着畀佢睇！
咁講，等於話這一千之中，有超過$500係購買（畀佢、或自己的）性幻想。
有性幻想無壞喎。良家婦女都有Fantasy，先至買風格「疑似淫蕩」的AgentProvocateur啫。品牌Kiki仲連性玩具都出埋㖭，問過班姐妹，其實香港女仔，對跟愛人玩SM並不抗拒。
其實，係咪你班香港男人太悶太保守先？
攝影：陳陶鈞
http://appleblogpaper.blogspot.com
aboutme:
空姐瑪莉
職業：使錢。唔靚唔愛，唔型唔要。細個見工最大的恐懼係填長處一欄，因為冇。人大了才發覺自己長處係夠八，甚麼東東都可以問一餐。越問得多，越知得多，使錢就越多。
AgentProvocateur係高檔廟街SM內衣？
男人撇低你時，總係附送一句：「全部男人講男人嘢，有個女人喺度唔方便㗎！」係，冇錯！同異性飯局講嘢的確唔夠放，其實女人一樣有她們的天地。女人圍埋，計我話，內容仲精采。冇男人，甚麼矜持都可以拋諸腦後，早日的飯局話題就係性感內衣。成千蚊買件內衣，係咪着畀自己睇先？姐妹們都坦白承認：「男人鍾意新鮮感嘛！」
時代開放，女生對內衣的講究，真係好難再同阿媽嗰代相比。名店如連卡佛，對內衣部都越趨重視，引入多個歐美品牌內衣，例如最近話題品牌AgentProvocateur，雖然一向大賣SM、形象誘惑，一樣受明星、中上流社會人士歡迎。某某名人朋友（都話名人咯，點開名啫！）講笑：AP內衣玩SM，啲人用咁貴價錢去買，都係想感覺上高級啲，唔同廟街一般的Cheap貨款式。銀紙有時又真係可以堆砌到好多嘢出來！你仲可以使用連卡佛的白金VIPRoom，就算男士想揀Bra畀愛妻都有私隱啦。
幾百一樣有交易
五個女人，繼續你有你話唔捨得，佢有佢話唔慳得，因為一塊布仔都要成千蚊，升格的代價頗為肉赤。Becky身為連卡佛Stylist，當然係我哋支盲公竹。「名牌內衣又夠貼又夠滑，唔少客着完一次，都唔會對其他內衣有興趣。信我啦，你試過就知！公司最好賣係法國牌子LaPerla，因為Size夠細，Cutting又最啱亞洲人。」係！我贊成，我都係LaPerla擁躉，自問身材麻麻，都一樣着得又挺又舒服，好少歐洲牌子做得到。而最捨得使錢買內衣的Cici一向堅持要着喱士款式：「歐美牌子內衣料夠靚，一定唔會刮肉。保護個胸喎！一分錢一分貨，貴啲都值得！」
其實名牌內衣唔一定件件過千，好似ElleMacpherson都係幾百蚊有交易。同樣係幾百蚊價錢，我哋班空姐姊妹花去親美國必掃Victoria'sSecret。用料掂之外，款式亦係重要一環。香港女仔就未大膽到內衣外穿，但今年春夏季有咁多半透明雪紡Top，Becky提醒一班姊妹們，Nude色、SkinToneColour今季大熱。講咁耐款式，姐妹們都承認花咁多心機，本來係想着靚靚畀男朋友欣賞。不過，大家都投訴男朋友不解溫柔，理得你靚唔靚，一上到床，幾秒鐘就已經除晒，就係港男（餓男）本色。
SMisPartofSex？
談到港男不解溫柔，話題開始入肉，投訴聲音四起：「佢哋只顧自己發洩，從來都冇花啲心機搞吓花臣，等氣氛浪漫啲。」都話中港台之中，香港人對性事係最保守啦。
Becky卻唱反調：「唔係喎，我哋新入牌子KikiDeMontparnasse出內衣，仲有性用品賣，反應好好喎！」性用品？「係呀！有Vibrator、有鞭、有膠紙，包裝得好靚。外國以SMConcept當性情趣，根本就係好平常事。」其實好的SexualLife先可以令兩個人的感情更親密、關係持久，輕微SM只係提升新鮮感的小玩意吧。
根據本小姐非正式統計：其實大部份年輕女生都唔介意男朋友搞啲SM前戲，但當中九成人都係等待男朋友作主動（唔通要女仔出聲咩）。當然，雙方要有一定的感情基礎，同互相信任的溝通（PartofSexLife啫！）。向男生求證，反而十個有九個都話唔覺得玩SM會興奮，一個話冇時間，另一個又話女友唔會肯。老老實實，係咪保守又唔敢認？或懶去搞、或者怕羞冇同女友講先？最後將老婆當作屋企一件電器！自己就出街同班豬朋狗友尋歡解悶囉！
查詢：LaneCrawford（21183388）
中環國際金融中心商場3樓
最新回應
Mav：我喺英國讀書時，六個同屋，情人節竟然收到六支Vibrator。SM小玩意喺外國好Casual，NoBigDeal！我有朋友竟然將男朋友嘅液體儲埋放喺雪櫃第二日飲，仲恐怖啦。
Phys：過時過節都會買件貴啲、靚啲嘅內衣畀男朋友一個驚喜，如果同男朋友感情好，都唔介意玩吓啲前戲小玩意嘅。
AhMi：歐洲牌子內衣啲料真係靚啲，啲喱士好滑好貼。不過就唔會成日買，或者會等減價先入貨。
May：我老公係英國人，比起香港男仔，佢哋真係好着重性生活的前戲，但就冇玩工具。性生活互相配合，感情真係會好啲。
相關超連結
美國品牌KikiDeMontparnasse大膽將SM意識普及化，用貴氣全新包裝。其網址內有一版FineArt相片意識十分露骨，價錢亦十分驚人，每幅要$2,500美元。
