地獄黑仔王？燈神？呢啲稱號畢傑絕對唔會認，〈早飛王〉4連敗，我當然唔介意石兄代筆一期仍然未能重開勝門。嚟緊星期日布力般流浪迎戰「軟腳蟹」保頓，咁都食唔落開個1.8倍W嘅話，我整定黑仔囉！畢傑
寫今期之前，腦海浮現布力般、樸茅、布力般、樸茅，邊隊好啲呢？最後我有咗答案。布力般由於早前喺足總盃第3圈出局，致上周毋須比賽，變相有近兩個禮拜嘅休息時間。球員可叉足電之餘，領隊曉士為保持隊員狀態，就趁住空檔期帶隊去佛羅里達作輕鬆操練；美國嘅天氣較英國和暖，相信隊員對訓練唔會感到辛苦，一舉兩得。
布力般𠵱家有氣有力以逸待勞，球員餓波一排落到場都唔同啲。保頓就慘喇，喺布力般享受緊陽光與海灘之時，佢哋一周內要踢兩場歐協盃32強首、次回合賽事，對手仲要係西甲硬嘢馬德里體育會，主力廸奧夫、路蘭同奇雲戴維斯個個唔踢到殘就有鬼啦！
布軍3大主力復出
噚晚截稿前，當然未知保頓遠赴馬德里踢次回合嘅戰果，但我唔理佢哋出線與否，結果都係一樣。首先，假如順利晉級嘅話，保頓應似暫時當完成任務，心情鬆懈咗；第二，如果出局嘅話，成隊心情同士氣有限，兩個結果都不利作客布力般。
布力般嚟緊周日將會有摩頓柏達臣、鄧尼同基斯杜化森巴3大主力停賽復出，達比舒利可以歸隊，而後防大將賴恩尼爾遜有傳都能夠披甲，3線實力大增。至於上場聯賽雖然0:2不敵阿仙奴，但實情全場表現唔差，唔好忘記佢哋有3件停賽。就算有賴恩尼爾遜休戰，都夠殺「軟腳蟹」保頓。
嗰邊〈蘋果開倉〉呢排超旺，聽聞主持人蘋果波神都揀咗布力般做過關腳；今次就睇吓我黐佢旺氣搞得掂，定係佢黐咗我黑氣斷纜，總之我信自己！
早飛王貼士
星期日23布力般流浪vs保頓
首選：布力般流浪勝（1.8）
次選：布力般流浪勝[-1]（3.4）
冷選：布力般流浪勝3:1（15）
《周末早飛超級重心》
富咸韋斯咸和味濃
星期六10
富咸vs韋斯咸1:1（6.5倍）
富咸最近未能破例簽得格拉斯哥流浪的丹尼卡辛加盟，這名加蓬射手將留在蘇超至季尾，而富咸有保亞沙及西蒙艾利洛養傷，更有西蒙戴維斯停賽，難言勝。韋斯咸將缺比拿美、柏加及戴亞等，近仗不敗率亦高，博和局收場。
紅軍攻「堡」小勝格
星期六11
利物浦vs米杜士堡2:1（7.5倍）
紅軍剛在歐聯擊敗國際米蘭，但宜留意是大部份時間多打對手一人，久攻下才能淨勝對手，體力有一定消耗；而禾路連及丹尼爾艾格缺陣雖影響不大，惟我覺得屬小勝格。米堡續缺卡達莫及巴利鍾斯，幸美度狀態不俗，有力破蛋。
新特蘭單跳會輸波
星期六12
樸茨茅夫vs新特蘭2:0（6.5倍）
剛晉級英足盃8強的樸茨茅夫，今周或有紐根特傷癒復出，現只餘派密斯及馬田卡尼兩員傷兵。新特蘭對上8場聯賽勝負盤路呈單跳走勢，上仗剛勝韋根，攤路明顯，何況主力如米拿、希堅保咸及基蘭李察臣等料續因傷缺陣。