禮拜二難得有日假放，約咗朋友吳小姐食個晚飯，我哋去咗耀華街HUE嗌咗個沙爹牛肉炒檬粉，我就認為唔辣，佢就話辣到飛起。我直頭覺得呢碟餸可以用吳小姐個名、同埋周董首歌《甜甜的》嚟形容，喺度向讀者推介，如果行開嗰頭不妨試吓，個長毛侍應好好人㗎！
上期講到永遠偶像朗拿度面臨掛靴，佢今個夏天就會約滿AC米蘭，呢個肥仔都唔知返唔返到聖西路小天地，我𠵱家心情真係好鬼肉酸。不過我有睇AC對阿仙奴，中場好「搓」得，星期日要贏巴勒莫唔難。
讓球主客和：AC米蘭勝[-1]
心得：AC「搓」死你
近5場往績：贏走輸贏輸
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。