肥姐沈殿霞開心果形象深入人心，昔日跟她合作的友好昨日談及肥姐時仍深感難過。
狄龍：香港市民損失
「好難過，係娛圈同香港市民嘅損失。我結婚時佢做伴娘，我同太太都好尊敬佢，我都會支持欣宜。」
陶敏明：欣宜長大咗
「我19歲結婚時諗搵邊個做伴娘，我阿媽話不如搵肥肥，因為佢好有福氣，我就即刻坐的士搵佢，佢好爽快答應，欣宜喺記者會上嘅說話真係好感動，佢長大咗，唔使人擔心，到時肥姐悼念會，我哋都會去鞠躬。」
李添勝：懷念肥肥笑聲
「肥姐病咗好耐，捱得好辛苦，因為佢唔希望走先過媽媽，又擔心欣宜。好懷念佢嘅笑聲，睇《歡樂今宵》一見佢笑騎騎，就唔會令人討厭。欣宜唱歌跳舞都得，但除咗才華，都要講因緣際會，太刻意強求都唔得。我通常拍古裝戲，唔啱佢，但有適合嘅戲都會搵欣宜嘅。」
盧海鵬：珍藏珠片衫
「追思會我會去，以前扮佢嘅時候，佢送畀我套珠片衫，我都有收藏好。」