韓國女歌手IVY因為上年底被前男友勒索，暫時停止所有音樂活動。噚日IVY現身就讀嘅同德女子大學參加畢業禮，吸引近40名記者採訪。 過去半年雖然好唔開心，但IVY都冇放棄學業，結果用咗七年時間，終於完成學士課程。IVY話最希望跟同學仔影畢業相，又冇諗過會有咁多記者到場採訪喎。另外，男星劉智泰噚日亦出席咗中央大學嘅畢業禮，女友金孝珍都有到場。