陳冠希遲來的公開道歉及交代，外間反應不一。一向愛錫妻妾的賭王何鴻燊，昨日就冷對陳冠希認錯及退出娛樂圈，更表示不齒評論「呢啲垃圾」，又直斥陳冠希「賤過地底泥」。
淫照風暴男主角陳冠希，前日公開承認拍攝淫照，多次向受害女性及全港市民認錯，又表示會退出本港演藝圈，努力做善事，希望各界給一次機會他。陳冠希雖然低頭認錯，但就得不到所有人原諒，尤其賭王何鴻燊。何鴻燊之前已經公開狂轟陳冠希，指摘他行為過份開放，又口疏將男歡女愛的私房事四圍唱，令很多女性蒙羞，行為令人不齒。
「唔講呢啲垃圾」
何鴻燊昨日在佐敦出席「女童軍新春團拜」，問到會否原諒陳冠希？賭王聞言即刻皺眉說：「唔講呢啲垃圾，我都唔識睇，男人咁賤，賤過地底泥！」他續說：「男人應該口密，唱都死，仲敢（影）㖭！」陳冠希記招上指完成手頭的工作，將退出本地娛樂圈，何鴻燊就他的決定毫無興趣，直言：「呢啲人我唔識得欣賞。」
此外，自藝人淫照事件發生以來，牽涉其中的張栢芝與其丈夫謝霆鋒從未現身回應。前晚霆鋒「機友」譚俊彥在奧海城出席新戲《花花型警》首映禮，他透露近日不時和霆鋒上網打機，他相信栢芝與霆鋒夫婦感情未受影響。
栢芝霆鋒齊打機
譚俊彥說：「件事發生咗後，我都有同霆鋒聯絡，呢排仲有同佢打onlinegame，成班人一齊打，仲有EricKwok、洪天明同安志杰咁。栢芝同霆鋒都係機友，有一齊打，佢兩個應該冇嘢囉，冇俾件事影響到，否則都唔一齊打機啦。」但譚俊彥謂夫婦間的事屬私人事，他作為外人也沒資格多談。
採訪、攝影：顏英儀、魯萍
