熊黛林、姚書軼及Angelababy等前晚出席所屬的模特兒公司StyleInternationalManagement春茗，熊黛林透露回南京家鄉10日過農曆年，發福不少，她說：「可能食得多肉，肥咗5磅，今次返屋企都有派大利是，畀咗幾萬蚊孝敬父母。」
問何時結婚，熊黛林說：「30歲之後，賺多幾年錢，女仔要財政獨立，自己啱啱返嚟，已經接咗兩個硬照廣告，都有6位數字，工作已經排到今年5月。」問會否趁勢加價，她笑說：「唔會，唔可以成日加價，要合理。」
男友被灌酒
此外，姚書軼過年與男友Sunny到無錫家鄉過年，她說：「啲親朋戚友不斷要Sunny飲酒，一時飲五糧液，一時又要飲茅台同紅酒，因為佢哋話酒品好就人品好，Sunny嘅酒量都超乎我想像，飲完都好乖去瞓覺。」
採訪、攝影：LawWaiMan