林一峰噚日到商台接受訪問，佢話忙完演唱會後，前日終於抽到時間做孝順仔同媽咪度過咗愉快嘅一天，成家人先去海洋公園，之後睇騷同打邊爐，節目認真豐富。 林一峰話：「因為之前成個農曆新年都好忙，完全冇時間陪媽咪，媽咪喺我做騷期間又忙於照顧我，所以一做完騷，我就即刻做乖仔陪佢囉。」