肥姐沈殿霞兩年來力抗癌魔，最後被奪走寶貴生命，幸肥姐未雨綢繆，早就為欣宜未來作打算，在2000年替女兒買下一份人壽儲蓄保險，於兩年前轉做投資基金，結果大有斬獲。
肥姐在2000年時透過做保險業的好朋友黎燕珊，為愛女欣宜買下一份人壽儲蓄保險，兩年前在肥姐同意下轉為投資基金單位保單，投資項目包括有美國股票及中國基金等。當時肥姐的投資額是4萬美元（約31萬港元），由於基金表現理想，故肥姐先行獲利，結果取回7萬美元（約55萬港元），扣除本金及手續費約賺近一倍。
「好錫我仔女」
記者昨日致電黎燕珊，當年替肥姐投資的她說：「2000年我啱啱離婚，肥姐對我好好，佢知我獨力撐起頭家，佢好支持同錫我啲仔女，佢乜都唔講就幫我買咗份保險，係寫欣宜個名，不過喺肥姐患病期間已經冇再投保，不過欣宜仲有醫療保險。」
煲靚湯報恩
黎燕珊又謂以前不時到肥姐家作客，每年也會帶子女探訪拜年，肥姐最喜歡打牌，她會煲靚湯給肥姐飲，不過她不會打牌，因為她自問打不起。黎燕珊又回憶肥姐昔日的幫助說：「有次同肥姐食飯，啱啱遇上林百欣太太，肥姐即時介紹我係做保險，又話我一個人養兩個仔女，有乜就幫吓佢啦，我聽到肥姐咁講我真係好感動，肥姐係一個有情有義嘅人。」
採訪：葉雪