每個人嘅屋企梗有以下一種人，例如：長嗟短嘆夫人、無所謂先生、全在我手裏小姐、唔順超少爺，又或者軍法治家老祖等等，就好似每個人屋企嘅微波爐、抽油煙機、錄影機、空氣清新機、電飯煲……通通都係《家庭保衞隊》成員，語帶雙關的，正是香港話劇團近年最離奇魔幻的音樂劇創作。
魔幻港人
孤癖的獨居老人從八樓墮下壓毀一部棄置多年的舊洗衣機，幾個小時後人和機同告失蹤，家人若無其事，該住所持續兩星期不斷傳出數十種家電同時開動的怪異歌聲，然後出現一下巨大閃光，風姓一家同告人間蒸發……情節荒誕莫名，但人物、家電則家喻戶曉，梗有一位喺左近！
電動牙刷風筒
《家庭保衞隊》的製作班底如音樂創作的鍾志榮就自比「風筒」，因為似死光槍，就算把聲難聽，都可以整到你靚一靚；導演司徒慧焯則自比「電動牙刷」，腦震盪效應震古爍今……全都係癲嘅?！但係如果你知道鍾志榮就係《我和春天有個約會》、《新傾城之戀》、《槍火》、《PTU》、《向左走向右走》等等舞台、電影的原創音樂人，而司徒慧焯亦導過超大型音樂劇《雪狼湖》、《遇上一九四一的女孩》、《鬚根show2》、《兩篤笑》、《攣到爆》、《男親女愛》、《一期一會》、《你今日拯救咗地球未呀？》……你才發癲！
記者：馮敏兒
《家庭保衞隊》
3月15－30日，7:45pm及3月23、30日2:45pm（17及24日休演)
地點：香港藝術中心壽臣劇院
查詢：31035900