盧巧音（Candy）昨日到商台接受訪問，對於舊愛謝霆鋒的妻子張栢芝被捲入疑似藝人淫照風波，她坦言現階段不會聯絡任何人，並表示要讓他們靜下來。談到霆鋒和栢芝鬧離婚的傳聞，她說：「我覺得時間會證明，如果愛情堅固，冇嘢可以打破。」
籲女性保護身體
至於陳冠希應否回港，Candy說：「佢喺邊都可以交代，但作為一個男人係應該，可能有咁多江湖乜乜啦，我唔理佢喺邊，都希望佢用正面方法交代件事，再次同女事主講唔好意思。身為女仔，尊嚴同身體都好緊要，呢啲係性教育。今次件事係有好同唔好，都可以畀學校有教材教點樣保護自己嘅身體，特別係女仔囉。」
此外，Candy近日忙於為下月1日舉行的演唱會做籌備工作，她透露當晚會穿着四套歌衫，當中更不乏性感舞衣，可算是她終極性感。
採訪、攝影：駱華齡