花旗股市連續第3日下跌，跌幅雖然唔大，但係差在先急升後下跌，搞到個勢同氣氛都好差。昨日港股開市嘗試食住前日嘅勢炒上去，但係冇人跟，好快就插番轉頭，晏晝㗎仔股市再跌深啲，主要話花旗有間叫KKR嘅金融公司有條幾十億美元嘅數還唔到，要傾延遲還款，港股就梗係冇運行，結果恒指跌咗500幾點收市。
睇幅圖，港股今日嘅走勢好關鍵，如果企唔穩，呢兩日隨時要跌多千零點。𠵱家入市注碼要細，轉身要快，就算揸長線都要吼低分段買。
洛鉬C輪7477：洛鉬（3993）昨收11.24元，係連續第7日上升，不過累積嘅升幅唔算好大，個勢仲好好，可以小注買啲C輪7477，博正股升破12.5元推向15元，隻輪昨收29仙，仲有281日先到期，有效槓桿2.1倍，正股升上15元，7477可見52仙，正股跌穿9.7元止蝕。