方力申和鄧麗欣（Stephy）近日被無端整蠱，有網友指06年男藝人B先生遺失手機後遭勒索一案，B先生即是方力申；又指Stephy於農曆新年期間被強姦，到警署落案時收到電話後匆匆銷案，兩人所屬的金牌公司老闆黃柏高力斥「呢兩單嘢擺明係刻意嘅惡作劇」，原因是「有人心地唔好」，想刻意轉移視線。
近日網上出現兩單無厘頭誤傳消息，一單是06年發生的男藝人B先生遺失載有圈中女友A小姐更衣片段的手提電話，然後遭地盤工人拾獲後勒索的案件，網友指B先生其實是方力申，並言之鑿鑿指有擔任陪審團的朋友透露消息；另一單是傳聞鄧麗欣於農曆新年期間被強姦，她和律師到油麻地警署報警落案時，因收到電話便匆匆銷案。
Stephy：有冇搞錯
本報翻查資料，06年B先生遺失手提電話的案件，當時該名圈中男藝人的年齡是22歲，而方力申當時已26歲，除與涉案人年齡不符外，該案件根本沒有陪審團，又何來陪審團成員透露消息？至於Stephy，傳出被強姦的新聞，她得知後大呼「有冇搞錯」。
兩單誤傳新聞均是金牌經理人公司旗下的藝人，記者昨日致電老闆黃柏高（Paco），他在電話中就此事回應說：「呢兩單嘢擺明係刻意嘅惡作劇，其實我新年前已經聽到，有人心地唔好，亂咁作新聞傷害藝人，尤其係形象咁正面、咁健康嘅方力申，俾一班人係咁講，根本就冇咁嘅事，件案亦都冇陪審團。」
自己行得正企得正
Paco續說：「Stephy嗰單更加離譜，點會夠膽作啲咁嘅嘢。但事件令我更堅定咁相信一樣嘢，只要自己行得正企得正，任何不利嘅傳聞都唔會影響到，最緊要行得正企得正。」
撰文：李全