呂方昨日於尖沙嘴獲邀接受《志雲飯局》訪問，陳志雲特別準備一碗湯圓祝福呂方與女友鄭裕玲（嘟嘟）甜甜蜜蜜，再送上iPhone手提電話，並收錄嘟嘟於《96年華裔小姐》獻唱的《涼茶館》片段。
起初呂方認不出唱到走音的是女友歌喉，最後才露出尷尬笑容，陳志雲說：「我見親嘟嘟佢都叫我對呂方好啲，冇一次唔講呂方，仲關心多過自己，佢真係好愛你（呂方）。」呂方聞言解釋女友如此關心是因他本身口才麻麻。
嘟嘟唱歌變Key
對於女友的歌喉，呂方指女友音準，但唱歌時會不停變key，他說：「佢好鍾意聽歌，識啲幕後人仲多過我，同埋佢試過喺台灣做我MV女主角，不過首歌嘅歌名都唔記得咗。」呂方坦言任由陳志雲發問，但笑言最怕被問結婚，他說：「我都有諗結婚，等我做埋演唱會先，未做訪問都嚇到手心出汗。」
採訪、攝影：馬建華