布城旺氣延續
卡勒右手食指脫臼都打得？
亞洲波好難賭，莊家勁煲更要防
曼聯阿仙奴亮相，今夜港人無心睡眠
本月名家擂台水準唔錯喎
最新動態
經常聽到的士大佬講，每當曼聯同阿仙奴比賽，夜市水靜鵝飛，都係泊埋架車喺一邊睇波好過；呢類情景，今晚又會重現，事關兩軍會喺歐聯16強分途出擊，大戰意法勁旅。
曼聯同阿仙奴每次主場6、7萬人例坐爆，「兩兄弟」每季鬥餐死，近季連同「3弟」車路士及「4弟」利物浦，一齊將英超呢個餅仔搞大佢。單係香港，我哋每月要畀300幾蚊先可以睇晒英超同歐聯，但某台訂戶仍直迫百萬；與其說足球魅力沒法擋，不如話英超big４壟斷市場。
兄弟相爭，說穿了還是利字當頭，聯賽冠軍尚且輪流威，對整個市場絕對是健康發展；去到歐聯，強手林立，運氣佔極大因素，只能說盡力而為。曼聯贏梗里昂？阿仙奴迎AC米蘭佔上風？其實大家各無把握。
市場主導，陳冠希都可以做廿幾日報章頭條，波經版天天做曼聯阿仙奴，也是迫不得已；但翻查曼聯今季聯賽贏盤率僅及5成，係咪天天都要做頭條叫波友下注，看官自有判斷。
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/