記得十年前上銅鑼灣PolaroidOffice買菲林，但自從2001年10月保麗萊申請破產保護，就知道「有得玩就玩，時日無多」。所以上星期終於收到噩耗，話寶麗萊終於宣佈停產，大家都感到釋然──這一天終於來到了，甚至有「寶麗萊友」稱為「好消息」。近一兩年我已叠埋心水，學玩「風琴機」190、180、360，因為有Fuji菲林可以代用。
當年SX-70停產，有人發明以Filter降低感光度，使SX-70相機一樣可以用600菲林，今次無代替品了（家中的Polaroid680、690相機要放入博物館！），600菲林價馬上狂升，喺香港拍賣網，原價$130-$140的兩盒裝600菲林，如今被Bid到超過$300，升值逾一倍。
我們都愛Polaroid，因為它獨一無二，記低的這一秒，就只有這一張，獨一無二，當然最適合拍攝獨一無二的愛人、家人。
家中尚有數盒1200菲林，現誠徵靚女一名，給家中SpectraPro陣亡前留影，此機相片只有一個Copy，保證無論內容雅或不雅，都唔係你Keep就我Keep，絕不會在網上流傳，靚女可放心/盡情給我拍攝。
記者：何兆彬