記得上年元宵係星期日，加埋撞正月蝕，同男友食飯睇戲猜燈謎，全日sweet到爆。不過今年唔同，元宵活動沒去年的多，不過經過我多日來對大型元宵活動資料嘅搜集，仍然有地方和商場大搞綵燈會和猜燈謎活動，令有小過年之稱的元宵充滿節日氣氛。
記者︰劉昱蘭
攝影︰譚盈傑
Model︰Kathy、Derek
收工即去綵燈會
元宵節最大型嘅活動，必要數康文署嘅綵燈會。今年有5個地方搞綵燈展覽，尖沙嘴文化中心露天廣場及西九龍海濱長廊，都同樣以北京奧運為主題。個人推介文化中心嘅燈展「奧運燈影耀長城」，海旁本身環境夠浪漫，拍住拖睇奧運「福娃」在水池中，生動可愛。最好係尖沙嘴交通夠方便，睇完燈會行5分鐘就可以去海港城搵食，飯後又可以扮浪漫搭船過海談心，再去下場玩過。
其他燈會區
1．青衣公園春節綵燈會
日期：2月22日（星期五）
時間：7:30pm-10:30pm
主題︰以「情」為主題，璀璨的綵燈包括7米高綵燈「才子佳人喜成雙」。
2．將軍澳寶翠公園春節綵燈會
日期：2月23日（星期六）
時間：7:30pm-10:30pm
主題︰7米高綵燈「萬象更新呈瑞彩」，活潑童子加上色彩鮮艷的果實，象徵豐收。
3．高山道公園及高山劇場元宵綵燈會
日期：今日
時間：7:30pm-10:30pm
主題︰以「中國情」為主題，由小熊帶領下暢遊中國不同景色。
4．西九龍海濱長廊
日期︰即日起至2月24日（星期日）
主題︰「福娃樂聚慶新春」，可欣賞璀燦的燈飾。
註︰逢星期六及星期日6:00pm-11:15pm，均有免費穿梭巴士來往九龍公園（近柯士甸道入口）及西九龍海濱長廊。
以上各綵燈會查詢電話︰25911340
點解有元宵佳節？
元宵節其實係傳統的大節，每年第一個月為「元」，第十五夜則為「宵」，所以當晚放燈嘅慶祝活動叫做「元宵節」，也叫「燈節」、「燈夕」。元宵節係古時民間多彩多姿的節日，亦係春節最後的一天，之後就一切恢復常態，所以民間會熱烈慶祝，連經常足不出戶的大家閨秀，都會趁機出門湊熱鬧，故又叫做「小過年」。
餘興節目
睇完綵燈食埋飯都不過係兩個鐘多點，之後當然要搵餘興節目玩吓啦，女友愛浪漫嘅可以慢慢坐船過海猜燈謎，貪玩嘅就去旺角，爭取時間玩攤位仲精采喇。
浪漫情人
搭船猜謎
選擇浪漫搭船情侶，十居其九都比較好靜，過完海去一轉銅鑼灣時代廣場，在中國傳統溫馨熱鬧嘅元宵街，玩晒佢百多個燈謎起碼兩粒鐘，因為不少燈謎難度都幾高，無人估中過嘅頭3位騷畀你睇熱吓身先。
囗琴盒（猜一成語）
囗一腳會走，無嘴會哮（猜一玩具）
囗柴做牆，竹做樑，珍珠瑪瑙來排場（猜一用具）
如果估燈謎估到悶悶哋，可以捐$20畀護苗基金換龍鬚糖、糖葱餅、麵粉公仔等，仲有《誘心唔怕遲》戲飛2張，的確好抵。
元宵街
地點︰銅鑼灣時代廣場露天廣場
時間︰5:00pm-9:00pm
貪玩耍樂
整棉花糖夠Sweet
情人屬愛玩一族嘅，就要去旺角新世紀廣場玩攤位遊戲喇。商場除咗有桃花徑和幸福摩天輪外，仲有5個攤位遊戲，其中最好玩嘅有整棉花糖、猜燈謎和拋繡球。此外，在商場消費滿$200或以上，就可以玩1個攤位遊戲，令所有顧客都能參與其中。
「氹氹轉芝鼠園」
地點︰旺角新世紀廣場
時間︰4:00pm-8:00pm
拋繡球贏獎
另一個商場將軍澳中心亦搞咗個「拋繡球齊接福」嘅活動，背景以「劉三姐定情」故事作為佈置，展示他們以繡絿定情拜堂的場景。你都可以落場同honey拋埋一份，只要消費滿$150即可參加，仲有機會贏豐富禮品。
「金鼠拜堂喜迎春」
地址︰將軍澳中心
時間︰10:00am-10:00pm