求婚需要勇氣，而在廣大觀眾面前示愛，真是少點膽識也不行。Wendy於阿鵬求婚當晚沒有即場答應，她事後形容是因為需要時間考慮及怕醜；而男方沒有為這次螢幕創舉感到後悔，畢竟行動是出於真心及誠意，絕非節目宣傳伎倆。
Wendy：好怕醜
談到阿鵬求婚當晚，Wendy表示事前全不知情，事後回憶仍難掩喜悅心情：「見到佢嘅舉動，作為女友真係好開心；不過呢啲始終係私人感情問題，喺大庭廣眾下，作為女仔好自然會怕醜，同埋唔識面對。」求婚事件公開後，不少球迷在Wendy網誌上留言表示支持，希望她盡快答允。
至於阿鵬則認為：「求婚唔係要佢即刻嫁畀我，我只係想畀全世界知我對佢嘅誠意同真心，當然要有少少驚喜啦！經過今次之後，其實大家已經有共識，現階段就係積極搵錢，同埋做好節目；我唔想畀人感覺借今次求婚博宣傳，所以有關我同Wendy戀情嘅訪問，只此一次、下不為例。」