【本報訊】沈殿霞出殯用的壽衣將以鮮粉紅色為主，希望貫徹其開心果形象。她的御用設計師楊遠振（Benny）透露，會從肥肥之前為領取萬千星輝演藝大獎而訂做的多件新裝中，挑選一件粉紅色長袖衫配半截裙作壽衣。
肥肥不愛素色
楊遠振昨日稱，肥肥生前並無特別訂製壽衣，「佢之前攞獎做咗幾件，只係着咗一件粉紅色，所以會喺（未穿着的新衣）入面揀。有一件佢幾鍾意，係高領、長袖喱士top，配雪紡半截裙，釘咗珠仔，都係鮮粉紅。」楊遠振昨日向本報提供了該襲衣裙的設計圖。楊遠振歷年來為肥肥做過不少華衣美服，他說：「肥姐好易話為，只要件衫顏色夠sharp就得，佢鍾意紅、粉紅，唔鍾意素色。」
肥肥的好友陳淑芬昨日發出兩張肥肥穿紅衣的官方照片，希望傳媒盡量使用。這兩張照片原攝於05年11月2日，是肥肥為台慶而拍攝，刊登在無綫官方刊物《TVB周刊》，肥姐在相中穿上大紅刺繡旗袍，笑容燦爛。
此外，陳淑芬促各方好友不要難過，「大家可以放心，見唔到佢（死前）最後一面唔好覺得遺憾，佢想大家記得佢精精神神、開開心心嘅樣。」本報記者