BlogBlog趣:賓帥點會怕國米之二 - 蘋果波神

BlogBlog趣:賓帥點會怕國米之二 - 蘋果波神

踢波計死數,國米不如班士利
車仔不愧穩字派掌門,但難益擁躉
今午播幾場三四線波,波友小注怡情好咯
新帥未夠料,英冠修咸頓果然再輸一仗
捧足協盃強隊,要推敲周末賽序

最新動態

馬特拉斯早段被逐,捧國米嘅波友當然覺得球證亂拔牌唔服氣;但你又不得不承認紅軍如小弟賽前所料,是一支你永遠難測嘅大賽球隊,輸畀英冠班士利後贏意國頂級班霸,唔服兼諗唔明?冇爭議,歐洲頂級足球比賽又點會令你捱更抵夜昅到實呀!
大賽領隊賓尼廸斯配球會級大賽球員謝拉特,沒有這位鐵血隊長,其他球員只會識拖到完場,何來完場前妙到毫巔嘅20碼割草式遠射。
英國傳媒成日咒嗰個死咒那個被炒,實情賓帥從來都神態自若,每周面對同一提問,依然四両撥千斤,有料之人,總帶着一份固執同堅持,波友要留意,兩個入球嘅助攻者係邊個,就是全民皆插的賓帥愛將賓納!
肥肥值得大家懷念,其中銀壇老前輩胡楓一話最令我印象深刻,「唉,佢又肥又有糖尿病,但仲成日打通宵麻雀!」我不打麻雀不煙(只間中同知己敍舊飲吓啤酒),不過為工作常通宵睇波,以後都係揀擇啲,多做運動睇少的睇通宵波咯!
文:蘋果波神
英超波癡有一個心願,5月話你知!
http://hk.myblog.yahoo.com/appleballmen/