秦沛和姜大偉兩兄弟與沈殿霞相識多年，大家先後移民加拿大，在當地守望相助，關係密切如家人。秦沛表示新年期間曾與留在醫院接受治療的肥姐通電話，他昨日在電話中說：「當時我打畀佢傾偈拜年，佢把聲都好弱吓，都講唔到幾多句。人總要經歷生老病死，對於肥姐嘅離開，真係好惋惜，佢對電視行業係貢獻良多。」
李琳琳常探病
至於近日埋首拍劇的姜大偉，因無暇到醫院探望肥姐，故由太太李琳琳代勞，他說：「太太一直同肥姐密切聯絡，佢成日有去醫院探佢，太太仲話佢由ICU調番出嚟普通病房時，精神都OK，點知咁突然傳出佢走咗嘅消息。肥姐病咗成兩年，佢一直堅毅咁撐落去，其實佢都好辛苦吓，走咗都係解脫。」
採訪：比華利