高志森曾與沈殿霞合作《富貴迫人》系列電影及舞台劇《麗花皇宮》，昨日聽新聞報道得悉肥姐病逝後，他感到十分難過，並讚揚肥姐是一位專業藝人。
高志森在電話中說：「同肥姐合作真係好難忘，佢做事好認真，作為觀眾，我覺得肥姐形象開心健康，作為朋友，我就覺得佢好聰明同勤力。」
懷孕照拍戲
當年高志森開拍《富》片時力邀肥姐演出，肥姐一口答應，他笑說：「我搵佢拍呢部戲期間，剛巧肥姐成日輸麻雀，所以佢諗住接咗呢部戲後，可以避吓啲麻雀腳，但諗唔到接咗冇耐，肥姐有日突然同我講話有咗三、四個月身孕，唔可以拍呢部戲，但我同肥姐講部戲要開啦，佢唔接就麻煩，結果佢捱義氣接咗，拍完部戲後佢第二日就搭飛機去加拿大安胎，真夠義氣。」
採訪：林妃