李香琴和胡楓與沈殿霞相交數十年，彼此友情深厚，昨早獲悉肥姐病逝的消息後，二人均非常傷心，琴姐更是強忍淚水繼續開工。
「幾十年好朋友」
琴姐與肥姐私交甚篤，向來認為肥姐為人有情有義，她昨日說：「好可惜新年呢排好忙，冇時間探佢，佢就走咗。聽到佢嘅死訊，我好難過，邊有心去諗以前嘅嘢，幾十年好朋友，我哋除咗一齊演《歡樂今宵》，仲一齊做老闆同拍戲，又合作登台，大家一直互相關懷。」
胡楓則表示一直很關心肥姐的病況，但因體諒病人需要好好休息，所以很少致電或親往探訪，他昨日在電話中說：「肥姐係一個好人，佢嘅歡笑聲令觀眾留下深刻印象。」他更十分關心剛喪母的欣宜，希望她要堅強生活下去，肥姐也能放心上天堂，因為身邊好友都會照顧欣宜。
採訪：比華利